Saam 55:22a, “Nan
thilrit cu Bawipa hnenah thum uhla, nan tha a lo damter ding”
Tumkhat
cu mi pahnih hin an thil leimi cu khirhsal ding in dawr ah an feh veve. Pakhat
sawn cun a thil khirhnak ding ih tulmi, dawr ihsin an pekmi receipt cu a keng.
Pakhat sawn cun an ken hngilh. A hngilhtu sawn cu dawr kiltu hnenah a thil
leimi khirhsal ding a si thu a sim. Dawr kiltu cun a receipt pe ding in a dil
tikah, a ken lo ruangah dawr kiltu cun a khirh thei lo thu a sim. Anih cun cui
dawr ihsin a leimi a si thu, a kenmi cu dawr thilri a si thu, a thiam thu le a
dik thu cu a sim rero. Asinan, a thilri khirhsalnak ding hrang ih tulmi a ken
lo ruangah an khirh thei cuang lo. A dung ih ra pa cun, a thilri khrih dingmi
le dawr ihsin a ngahmi receipt cu a ken ruangah, reilote sungah an thilri cu an
khirh fel hngal. Cutei pahnih cun dawr khat ihsin thil an lei tlang, thil an
khirh tlang nan, a tulmi a kengtu lawng khirhsal a si.
Receipt
keng lotu cun a thiamthu le a dik thu ziangtluk in rel khal sehla, a tulmi a
pek lo ahcun a thiltum a hlawhtling cuang lo. Cutawk dawr ihsin a lei nan, a
lei a si ti dawr ih hmuh ding a nei lo. Receipt a kengtu cun a kenmi in a si
ngaingai ti a fiangter ruangah reilote sungah
a duhmi tuahsak a si. Cuvek in, zumtu pawl kan nunnak ah, harsatnak kan
tuarmi cu Pathian hnenah kan thlen tum nan, kan thlen dingmi cekci sim lo in,
thil dangdang kan tuah, kan sim ih kan ti tikah Pathian in in let lo theu. A
duhmi cu, kan sinak, le tuarmi cekci khal A hnen ih thlen a si. Harsatnak kan
tuar tikah, “Bawipa, kei cu mi tha ka
si, ka khawm ringring, sumpai ka pe ringring, thenhra thenkhat khal ka pe
ringring, curuangah in run aw” tiin kanmai lam sinak kan rel hmaisa theu.
Cuvek can ah Pathian a cangvai dah lo. Cuhnak in, kan dinhmun le kan tuarnak
cekci khal Pathian hnen ih kan thlen a thupi sawn.
Kan
tuah dingmi sawn cu, kan harsatnak pawl par ih nehtu Pathian sawn a si ti kha
thei in, A Thu hmang lala in A hnenah kan feh ding a si. Phunzainak pawl
tlansan in, “Bawipa, harsatnak karlak
khalah nang cu runtu na si. Hi ka harsatnak hi na hnen ka lo thlen” tiin Pathian
cu kan kawh a tul. Receipt neitu pa cun dawr ihsin thilri a lei ih an pekmi
receipt khal a nei. Cui thilri pahnih a ken tikah, a tulmi cu tuahsak hngal a
si vek in, kannih khal harsatnak kan tuarmi pawl tlun ih thuneitu Pathian Thu kha
keng in, Pathian pantu kan si a thupi. Pathian Thu in in tiamkammi pawl vun
mangsal in, Pathian hnen ih kan feh a si ahcun Anih cun kan haratnak pawl cu in
damter ding a si. Na sinak cekcei khal Pathian pan awla Anih in na sinak cekci
khal tul a ti dan in a lo tuahrem sak ding.
“Pathian cu
midik a si ruangah a si rori par ih cangvaitu Pathian a si”
Hminsin : Joel Osteen ih nganmi, "Present Your Case" timi sirhsan ih nganmi a si.
Hminsin : Joel Osteen ih nganmi, "Present Your Case" timi sirhsan ih nganmi a si.
0 comments: