( Suahlannak 20:3 )
Pathian in
Israel mipi pawl hnen ih daan a rak pekmi pawl hi, anmai hrangah cun thlun
dingmi a si. Tuisan minung pawl hrang ahcun, Jesuh Khrih ah ziangkim a famkim
zo ruangah van kainak hrang daan thlun a tul nawn lo. Asinan, nitin kan nunnak
ah, Pathian in daan a rak pekmi pawl hin sullam cu an nei zet lai. Pathian in
Abraham cu a ko ih, a cithlah pawl khal Pathian duhdan in an nung vivo. Sungkua
dinhmun in Abraham cu kawh a rak si ih, lehhnu ahcun miphun pi ah an suak.
Pathian ih hril hleicemi miphun an si ruangah, Israel mipi pawl cun RINUMNAK an neih ding kha Pathian in a
duh ve. Amah ih a hrilmi miphun an si ruangah, annih khal Pathian hrang an
rinum ding hi Pathian ih duhmi a si. Curuangah, “Keimah siar lo pathian dang nan be lo pei” tiin daan a rak pe a
si.
Israel mipi
pawl cu daan an thlunnak hmangin Pathian lungawiter an si ruangah, Pathian ih a
pekmi daan vekin an nun a tul. Tuisan kannih zumtu pawl cu, Jesuh Khrih ih
hrilmi kan si ruangah, Jesuh Khrih ih duhdan le nundan vekin kan nun a tul ve a
si. Pathian in Jesuh Khrih ah zumtu pawl hi in hril zo ih, kan nunnak ngaingai
cu Jesuh Khrih sungah a um zo ruangah, kan nunnak neitu Pathian hrang RINUMNAK neitu ding zumtu kan si. Jesuh
Khrih thisen ih in tlennak theifiang ih zumtu pawl hi, in tlentu Jesuh Khrih
hrangah rinumzet ih nun hi kan tuanvo tumbik a si. Pathian cu duhdawtnak neitu
Pathian si rualin, thiknei Pathian a si ruangah Amai’ hrang lawng ih nung
dingin zumtu nang le kei in duh.
Na nunnak
cu man ih leizomi ( 1 Korin 6:20 ) kan si ruangah, in leitu hrang RINUM ding kan si. Pathian in Jesuh
Khrih hmangih kan hrang in tuahsakmi kan zum leveten, kan nunnak cu Thlarau
Thianghlim ih hminsin kan si ih, kan sungah Thlarau Thianghlim cu a um ( Efesa
1:13 ). Kanmah rori cu kan nung nan, kan sung ih nungtu Jesuh Khrih hmang ih
nungtu ding zumtu kan si ( galati 2:20 ). Cuti a si ruangah, zumtu pawl cu
neitu kan nei zo ih, in neitu Pathian hrangah rinumzet ih nung ding kan si
thlang. Pathian in nitinten Amah thawn lentlang, Amah thawn umtlang ih Amah
thawn pawlkomnak neih ringring ding hi zumtu pawl kan nunnak ihsin a duhmi a
si. Israel pawl hnenah Pathian in Amah lawng be dingih thu a cah bangin, Jesuh
Khrih hmang ih rundammi nang le kei khal Pathian in Amai hrang RINUMZET ih nung
ding in duh a si.
“Kan nunnak a neitu Pathian hrang Rinumzet
ih nung ding zumtu kan si”
0 comments: