A. Christmas Cu Theih Ringring Caan A Si.
1. Christmas Cu Pathian Ih Duhdawtnak
Theihsuahnak Caan A Si.
2. Christmas Cu Pathian Ih Umpinak
Theihsuahnak Caan A Si.
3.
Christmas Cu Pathian In Ka Hrang A Tuahmi
Theihsuahnak Caan A Si.
A. Christmas Cu Rundamnak Tuah Caan A Si.
Christmas
kan lawmnak san cu, Pathian in rundamnak in tuahsak dingin Jesuh Khrih a run
thlah ruangah a si. Jesuh Khrih a suah tum ah, Vancungmi pawl ih tongkam cu,
“Nan hrang Thuthangtha” timi hi a si. Cui Thuthangtha cu, Pathian milai zate
hrang ih rundamnak a tuah dingmi a sim duhnak a si. Jesuh Khrih leiltun a
ratsan cu, Setan hnatuan siatbal dingin a si 1 John 3 : 8 ).
1.
Jesuh Khrih Ruangah
Sual Ngaidammi Kan Si.
Kan
nui pumsung ih kan sem thok ihsin leitlun minung zate hin sual ih khatmi kan
si. Cumi cu kanmah ih duhhrilnak le tuahnak si lo in, sual ruang ih tlusia Adam
ih cithlah kan si ruangah ( Saam 51 : 5 ). Kan duh ah maw, kan duh lo ah maw,
kan kumkhua hmun ding cu camsiatmi Hell a si. Pathian thawn kan karlak ih ummi
sual ruangah, milai zaten Pathian hmai ah misual kan si theh ih, Pathian ih
sunlawinak co ban pakhat hman kan um lo ( Rom 3:23 ).
Pathian
hmai ah milai zaten misual, Pathian hnen thleng thei lo kan si. Pathian le
milai karlak ih rualremnak a um theinak ding ahcun, Thisen a tul ( Hebru 9:22
). Leitlun milai lak ah Thisen thianghlim a neitu, Pathian lungawinak thlen
thei thisen neitu an um lo. Cuiruangah, Pathian amah lala cun leitlun mi zate a
duhdawtnak luangliam cu sungbungin, Jesuh Khrih cu leitlun ah a rung a si.
Jesuh Khrih cun leitlun milai zate ih sual cu a phur ( John 1:29 ).
Pathian in
misual ka that ding tiih a rak khawkhannak hmun ahcun, Fapa Jesuh Khrih cu
thahin a um. Cross par ih a luangliammi Thisen
cu Pa cun a rak hmuh tik ah, a lung a awi ngah ih, “An sualnak le atnak pawl cu
ka cing ringring nawn lo ding ( Hebru 10 : 17 )” tiin a sim. Pathian ih
thinlung sung ahcun leiltun ih milai zate cu Jesuh Khrih ah ngaidamin kan um
zo. Cui ngaidamnak a umnak ding ih Jesuh Khrih a rung suahcaan kan lawmnak
ahhin, Pathian ih duhdawtnak hi zohkir sal ringring ding kan si.
Pathian
cun a duhdawtnak luangliam cu Jesuh Khrih ah a langter. Leitlun ah rungsuak in,
leitlun mipawl hrangah a nunnak tiang liamin a tuar. Christmas kan hman
ringring mi hin tican thukzet a nei timi hi a tharin kan thei sal kei uh.
Pathian in nangmah le keimah in duhdawt ngaingai ti cu Jesuh Khrih a
rungsuahnak ihsin a langfiangmi a si. Pathian in kan hrang rundamnak lamzin
tuahsak dingih a tumtah ciami cu Jesuh Khrih suahnak, thihnak le thawhsalnak
cun a famkimter zo. Cui Pathian ih duhdawtnak cu kan theihthiam ih, ngaidam kan
sinak kan cohlan tik ahcun, Pathian ih fate kan si .
Pathian in kan sual in
ngaidamnak ding ah, kanmah lam ihsin tuah that dingmi, tuahve dingmi le tuan
dingmi zianghman kan nei lo. Kan tuah ding umsun cu, Pathian ih in ngaidamnak
cu Zumnak thawn Cohlan ding hi a si. Christmas cun, kumkhaw daih Pathian ih in
ngaidamnak hnatuan a tuannak ding famkimnak a si. Pathian in kan sual in
ngaidam zo.
0 comments: