Hebru 2:3
1. RUNDAMNAK TUAHTU
PATHIAN.
1.
FAPA PATHIAN IH PEKAWKNAK ( Filipi 2:6 – 11 ).
Milai zate
hrangih Fapa Pathian in rundamnak a tuahmi hi ruah rero tikah, rundamnak hi a
maksak tukmi rundamnak a si. Pathian asinak thawn vanram ah cungnungbik dinhmun
ah dingin, huham le thuneihnak hmuahhmuah neitu a si. Vanram ahcun Fapa Pathian
cu sunlawihnak le upatnak pek camcinmi a si. Pathian a simi Fapa Pathian cun a dinhmun hmuahhmuah tanta in, leitlun
ih misual pawl rundamnak tuah dingah leitlun ih a run hi, “Rundamnak Maksak” a
si.
Vancung
ihsin Jesuh Khrih cun a sunlawinak hmuahhmuah cu tanta in leitlun a rat tikah
dinhmun tha a co nawn lo. Bethlehem ahcun caw rawlpeknak kuang sungah a suak.
Leitlun a lenlai can khalah a miphun pawl ih hnonnak a tuar. Farasi pawl in a
sualnak hawlin hek an tum ih, tu le tu that dingin an sualnak an hawl rero.
Dinhmun thabik neitu Pathian cu dinhmun sebik la in leitlun ah a rung. Nang le
kei in rundamnak tlamtling kan ngahnak ding ah amah le mah ti kawlawngaw in
leitlun ah a ra. Fapa Pathian ih
pekawknak hin kan rundamnak cu “Rundamnak Maksak” asinak a langfiang.
Milai zate
hrang rundamnak tuahtheh dingah a dunthluntu ih zuar a tuar ( Pathian Thu famkimnak
ding khal a si ). Siangpahrang dinghmun neitu cu ralkap pawl in an kai men. Hmuhsuamnak, nautatnak, hremnak,
cilphuinak, vuaknak le misual bik an thahnak hmun Kalvary Kross par tah an that.
Taksa cun a thi nan, Pathian a si ih thihnak ih neh lo a si ruangah a thosal.
Cui thosal cu kanmai nunah Pathian in a phuang ih, thosal nun kan tawmpinak
thawn Pathian cu kumkhaw hrang kan pehtlaih thei zo. Ka Pa tiih kawh theinak
khal kan neih zo ruangah, Fapa Pathian in rundamnak in tuahsakmi hi, “Rundamnak
Masak” a si.
“Duhdawtnak ngaingai
neitu cu Pathian lawng a si ih, A duhdawtnak cu tuahnak in a langter”
0 comments: